ШАДАР САЙДЫН ӨРӨӨНД УЛСЫН ОНЦГОЙ КОМИСС ХУРАЛДАНА
Монгол Улсын шадар сайд Ө.Энхтүвшингээр ахлуулсан Улсын онцгой комисс яг одоо Төрийн ордонд хуралдаж байна. Улсын онцгой комиссын хуралдаанаар Эрүүл мэндийн сайд Д.Сарангэрэлийн сургууль, цэцэрлэгийн үйл ажиллагааг түр хаах саналыг хүлээн авах эсэхийг хэлэлцэн шийдвэрлэх юм.
Урд хөршид дэгдээд Коронавирүсийн халдвар эрчимтэй тарж буйгаас үүдэж, олон нийтийн зүгээс сургууль, цэцэрлэгийн үйл ажиллагааг түр хаах хэрэгтэй саналыг ихээр гаргаж буй. Манай улсын хувьд урд хөрштэй хил залган оршдог тул вирүс тарах өндөр эрсдэлтэй бүсэд багтаж байгаа билээ.
Д.САРАНГЭРЭЛ САЙД СУРГУУЛЬ, ЦЭЦЭРЛЭГИЙГ ТҮР ХААХ САНАЛ ХҮРГҮҮЛЖЭЭ
Эрүүл мэндийн сайд Д.Сарангэрэл Коронавирусийн халдвар БНХАУ-д эрчимтэй дэгдэж буйтай холбогдуулан, сургууль, цэцэрлэгийн үйл ажиллагааг түр зогсоох саналыг Улсын онцгой комисст гаргасан байна.
Улсын онцгой комиссыг Шадар сайд ахалдаг. Тэрбээр УИХ-ын гишүүний халдашгүй байдлын дэд хороо хуралдсаны дараа Улсын онцгой комисс өнөөдөртөө багтан, Эрүүл мэндийн сайдын саналыг хэлэлцэх чигтэй байгаа аж.
Сэтгэгдэл бичих