Баасан гарагт МАН-ын Удирдах зөвлөл хуралдах үеэр Гомбожавын Занданшатар өөрийн хүсэлтээр Ерөнхий сайдын албан тушаалаас чөлөөлөгдөх хүсэлтээ гаргасан. Улмаар уг асуудлыг МАН-ын Удирдах зөвлөл, УИХ дахь МАН-ын бүлэг, Төрийн байгуулалтын байнгын хороо болон УИХ-ын чуулганаар хэлэлцэн дэмжиж, түүнийг Ерөнхий сайдын үүрэгт ажлаас чөлөөлсөн юм.
Тэгвэл өнөөдөр буюу ням гарагийн 10:00 цагаас Тусгаар тогтнолын ордон-д МАН-ын Бага хурлын III хуралдааныг зохион байгуулж байна. Тус хуралдаанаар Монгол Улсын дараагийн Ерөнхий сайдад нэр дэвшүүлэх асуудлыг хэлэлцэн шийдвэрлэхээр төлөвлөжээ.
Улс төрийн нөхцөл байдал ийнхүү богино хугацаанд өрнөж буй энэ үед МАН дотооддоо шинэ Ерөнхий сайдын нэрийг тодруулж, Засгийн газрын дараагийн бүрэлдэхүүнийг бүрдүүлэх үйл явц эхлэх хүлээлт үүсээд байна.
Сэтгэгдэл бичих