МАН-ын Удирдах зөвлөл өчигдөр оройноос эхлэн хуралдахаар товлогдож, хэлэлцүүлэг удааширсны улмаас өнөөдөр 14:30 цагт дахин зарлагдан, яг одоо үргэлжилж байна. Улс төрийн нөхцөл байдал хурцдаж буй энэ үед тус хуралдаан анхаарлын төвд байна.
Эх сурвалжийн мэдээлснээр, Гомбожавын Занданшатар Засгийн газрын бүрэлдэхүүнтэй холбоотой яриа, ялангуяа Дашзэгвийн Амарбаясгалан-гийн талаас Засгийн газарт суудал горилсон асуудлыг дэмжээгүй байр сууриа илэрхийлсэн байна. Тэрбээр өмнө нь ч улс төрийн тохироо, албан тушаалын наймааг эсэргүүцдэг гэдгээ мэдэгдэж байсан.
Улмаар өнөөгийн улс төрийн нөхцөлд ямар нэгэн тохиролцоонд орохгүй гэсэн байр суурин дээрээ тууштай байж, Ерөнхий сайдын албан тушаалаасаа чөлөөлөгдөх хүсэлтээ МАН-ын Удирдах зөвлөлд өөрийн хүсэлтээр өргөн барьсан талаар эх сурвалжууд мэдээлж байна.
Одоогоор хуралдаан үргэлжилж байгаа бөгөөд уг асуудлаар гаргах шийдвэр нь Засгийн газрын цаашдын хувь заяа, улс төрийн нөхцөл байдалд чухал нөлөө үзүүлэхээр байна.
Сэтгэгдэл бичих