Монгол Улсын урт, дунд, богино хугацааны хөгжлийн бодлогын хүрээнд монголчуудын төрт ёсны уламжлал, түүх соёлын өвийг түгээн дэлгэрүүлэх зорилгоор “Музейн нээлттэй өдрүүд–2026” арга хэмжээг 2026 оны гуравдугаар сарын 1-7-ны өдрүүдэд улс орон даяар зохион байгуулах гэж байна.
Энэхүү арга хэмжээг 2018 оноос эхлэн жил бүр зохион байгуулж ирсэн бөгөөд түүх, соёлын дурсгалт зүйлс болон урлагийн бүтээлээр дамжуулан хүүхэд, залуучуудад үндэсний бахархал, эх оронч үзлийг төлөвшүүлэх, гэр бүлийн боловсрол болон хамтын оролцоог дэмжих зорилготой юм 🇲🇳
Энэ жилийн арга хэмжээний хүрээнд нийслэл болон 21 аймагт үйл ажиллагаа явуулдаг төрийн болон орон нутгийн өмчийн бүх музей иргэдэд байнгын үзүүллэгийн танхимаараа үнэ төлбөргүй үйлчлэх ажээ.
Иймд иргэд, гэр бүл, сурагчид, оюутнууд музейгээр үнэ төлбөргүй үйлчлүүлж Монголын түүх, соёлын өвтэй танилцах боломж бүрдэх юм
Сэтгэгдэл бичих