“Үүр цайтал ажилладаг баар, цэнгээний газрууд залуусыг хорлон сүйтгэх үйл ажиллагаа явуулж байна”

Иргэний сошиал орчинд  “За бүр ёстой хэлмээр санагдаад хувийнхаа, өөрийнхөө орон зайд бичиж зарлана” гэж сэрэмжлүүлэг пост оруулжээ.

Тэрбээр, “СБД-т байрладаг “Холливуд” гэх баар Монгол Улсын хууль дүрмээс дээгүүр оршдог байгууллага байна. Өглөө 6-7 заримдаа бүр 8-9 цагт ажиллаж байна. Өнөө өглөө 7 цаг 20 минутад зогсоолд машинаа байрлуулаад Фитнес рүүгээ ороод 20 минутын дараа машинийг ийм болгож бараг хүн алчихсан юм шиг битүү цус нөж. Ингээд хохирсон би хэрэгтэн юм шиг цагдаа сэргийлэхээр мэдүүлэг байцаалт өгч хохирсон дээрээ хохир гэдэг эд хөрөнгийн үнэлгээ хийлгээд өдрийн ажлаа алдаад бөөн стресс өнөөдөр өнгөрлөө.

Фитнест өглөө 6 цагт зорин ирж буй хүмүүс бол зорилготой, мөрөөдөлтэй зөв амьдралын хэмнэлтэй иргэд байдаг. Хэрэв энэ газар МУ- ын хуулийн дагуу үүрийн 4 цагт үйл ажиллагаа нь дуусдаг бол 6 цагт ажил, амьдрал нь эхэлж байгаа хүмүүст ингэж саад учруулахгүй.

Энэ бол хагархай цонхны хууль юм . Зодоон хийж бусдыг болон өөрийгөө хохироосон үйлчлүүлэгч залуус,эд хөрөнгө цаг зав сэтгэл зүйгээрээ хохирч буй энгийн иргэд хэн аль нь эл баарны үйл ажиллагаанд гомдол гаргах ёстой.

Миний бие бүтэн жил хагас өдөр бүр өглөө 6-7 цагт фитнестээ ирэхэд тус баар үргэлж ажиллаж байдаг. МУ- ын иргэн хүний хувьд энэ газрыг нийгмийн хорт хавдар хуулиар тогтоосон цагийг үргэлж хэтрүүлж ард иргэдийг наргиж, цэнгэх биш хорлон сүйтгэх үйл ажиллагаа явуулдаг гэж хэлнэ.

Баарнаас ухаанаа алдсан согтуу залуус бүр охид өглөө ирж буй фитнесийн тамирчид, охид залуус руу дайрч биед нь халдах, машин тэрэгний цонх толь зэргийг хагалж гэмтээх энгийн үзэгдэл шахуу боллоо. Түрүү жил машинийхаа толийг согтуу залууд хагалуулж байсан. Хуулиас дээгүүр эрх мэдэлтэй новфшнууд мөнгөндөө ч биш Монгол залуусыг хорлон сүйтгэх үйл ажиллагаа явуулж байна энд.” гэжээ.