Кени улсын ерөнхий боловсролын сургуулийн сурагчид, сайн дурынхан, байгаль хамгаалагчид хамтран “Нэг сурагч – Нэг мод” уриан дор нэг өдөрт 1 сая гаруй мод тарих зорилт дэвшүүлж, үндэсний хэмжээний ногоон хөдөлгөөнийг өрнүүлжээ.
Тус санаачилгын хүрээнд улс даяар хэдэн зуун сургууль нэгдэж, хуурайшилт, хөрсний доройтолтой тэмцэх, ирээдүй хойч үедээ илүү ногоон орчин үлдээхийг уриалсан байна. Байгаль орчны яамнаас мэдээлснээр тарьсан моддын ихэнх нь нутгийн унаган төрөл бөгөөд уур амьсгалын өөрчлөлтөд тэсвэртэй сортууд аж.
Сурагчид зөвхөн мод тарихаас гадна, арчилгаа, усалгаа, ургалтын хяналтыг хариуцахаар гэрээ байгуулсан нь уг хөдөлгөөнийг урт хугацаанд үр дүнтэй болгох зорилготой юм.
Мэргэжилтнүүдийн үзэж буйгаар иймэрхүү олон нийтийг хамарсан мод тарих аян нь зөвхөн байгаль орчинд төдийгүй, хүүхэд залуусын экологийн боловсрол, иргэний оролцоог нэмэгдүүлэх чухал ач холбогдолтой гэж дүгнэж байна. Кени улс 15 тэрбум мод тарих урт хугацааны төлөвлөгөө-г 2032 он хүртэл хэрэгжүүлэхээр олон талт кампанит ажил өрнүүлж байгаа юм.
эх сурвалж:kenyanews
Сэтгэгдэл бичих