“Төрийн захиргааны болон нутгийн захиргааны байгууллагад чиг үүргийн шинжилгээ хийж, давхардлыг тодорхойлж, цаашид хэрэгжүүлэх үйл ажиллагааны хүрээ, чиг үүрэг, нэгжийн зохион байгуулалтын жишиг бүтцийг тогтоох” шинжилгээний тайланг өнөөдөр (2026.02.02) Монгол Улсын Төрийн Албаны Зөвлөлд танилцууллаа.
Уулзалтын үеэр чиг үүргийн шинжилгээний явцад илэрсэн төрийн болон нутгийн захиргааны байгууллага дахь зохион байгуулалтын бүтцийн нэгж, албан хаагчдын орон тоо, чиг үүргийн нөхцөл байдал, хуульд заасан нийтлэг чиг үүргийг төрийн байгууллагууд хэрэгжүүлж буй байдал, нийцлийн түвшин, бүтцийн нэгж хоорондын чиг үүргийн давхардал, үйл ажиллагаан дахь процесс алхмын тоо, гүйцэтгэл, хариуцлагын түвшин зэрэг үр дүнг танилцууллаа.
Мөн энэ хүрээнд төрийн албаны хүний нөөцийн удирдлагын нэгдсэн тогтолцоо цахим системийг боловсронгуй болгож хөгжүүлэх, цаашид цахим системээр дамжуулан төрийн байгууллагын орон тоо, бүтэц, чиг үүргийн оновчтой байдалд хяналт тавих, дүн шинжилгээ хийх; төрийн албан хаагчдын чиг үүргийн шинжилгээний талаарх ойлголтыг сайжруулах; төрийн болон нутгийн захиргааны байгууллагын нийтлэг чиг үүргийг хэрэгжүүлдэг албан тушаалын тодорхойлолтыг нэгдсэн байдлаар, нэгдмэл агуулгаар боловсруулах; төрийн байгууллагад чиг үүргийн шинжилгээ хийж, чиг үүргийг дахин хуваарилах аргачлалыг боловсронгуй болгох зэрэг арга хэмжээг Төрийн албаны зөвлөл, Засгийн газрын Хяналт хэрэгжүүлэх газар хамтран хэрэгжүүлэх талаар санал солилцлоо.
Сэтгэгдэл бичих