Нарны аймаг руу гадна одны аймгаас ирсэн байж болзошгүй нууцлаг объект дэлхийн эрдэмтдийг гайхшруулав

Одон орон судлалын ертөнцөд нууцлаг, тайлагдашгүй шинэ үзэгдэл бүртгэгдлээ. 3I/ATLAS нэртэй тэнгэрийн биет манай нарны аймагт нэвт орж ирсэн бөгөөд судлаачид үүнийг ердийн солир, сүүлт одтой огт тохирохгүй, хэний ч төсөөлөөгүй “Хар Хун” (Black Swan) объект хэмээн нэрлэжээ.

Энэ нь өмнө нь бүртгэгдсэн Оумуамуа, Борисов зэрэг аливаа одон биетүүдээс илүү сонин зан үйлтэй, гарал үүсэл нь бүр тодорхойгүй байгаа нь эрдэмтдийн анхаарлыг ихээхэн татаж байна.Замнал нь ердийн сүүлт одноос огт өөр 3I/ATLAS-ийн хөдөлгөөн, эргэлтийн зам, гэрэлтэх нь: Сүүлт од шиг мөс ууршиж байгаа шинжгүй,солирынх шиг нэг чиглэлд тогтвортой явдаггүй,бусад одны системээс шидэгдсэн биет байж магадгүй гэж таамаглаж байгаа аж.Эрдэмтэд одоог хүртэл түүний орбит, хурдаас нь нарийвчлалтай тооцоолж байгаа ч “ямар биет вэ?” гэсэн асуултын яг тодорхой хариу хараахан гараагүй.Гадна гарагийн системээс ирсэн үү?

Судлаачдын урьдчилсан таамгаар энэ биет нь манай нарны аймгаас гадна байрлах оддын системээс тасарч ирсэн, хэт хурдан замналтай учраас манай нарны таталцалд урт хугацаанд үлдэхгүй,түүний бүтцэд ямар бодис, хий агуулагдаж байна вэ гэдэг нь “үл мэдэгдэх” хэвээр байна.

Энэ нь одон орон судлалын түүхэнд маш ховор тохиолдол бөгөөд түүний химийн найрлага, гадаргуугийн бүтэц нь манай галактик дахь гарал үүсэл, сансар огторгуйн динамикийг судлах шинэ түлхүүр болж магадгүй гэж эрдэмтэд үзэж байна.“Хар Хун” гэж нэрлэсэн шалтгаан

Эрдэмтдийн хэлснээр 3I/ATLAS бол: Огтлох боломжгүй, урьдчилан таах боломжгүй, маш ховор үзэгдэл,байгальд маш ховор тохиох “системийн гаднах” үзэгдэл, бараг анх удаа ажиглаж буй объектын төрөл

Тиймээс энэ биетийг магадгүй манай галактикийн өөр бүсээс зорчсон “зочин”, бүр зарим эрдэмтний таамгаар өгөгдлөөр судлахад хүн төрөлхтөнд маш хэрэгтэй боловч тайлбарлахад бэрх одон биет гэж нэрлэж байна. 3I/ATLAS хэдхэн сарын дараа нарны аймгаас гарч одон зайд алсрах тул эрдэмтэд одоо хамгийн эрчимтэй ажиглалтын үеээ эхлүүлээд байна.

Шинжлэх ухаанд дараах асуулт нээлттэй хэвээр:

• Энэ объект яг юу вэ?

• Яаж манай системд ирсэн бэ?

• Гадаад гаралтай материал агуулж байгаа юу?

• Ийм төрлийн биет өөр дахин илрэх боломжтой юу?

Эрдэмтэд энэ биетийг “орчлон ертөнцийн ховорхон үлгэр ярьдаг зочин” гэж нэрлэн, дараагийн саруудад илүү олон нээлт гарна гэж найдаж байна.

эх сурвалж: times of india