НҮБ-ын Ерөнхий Ассамблей 2025 оныг дэлхий дахинд шинжлэх ухааны хувьсал авчрах “Квантын шинжлэх ухаан ба технологийн он” хэмээн зарлалаа.
Квантын шинжлэх ухаан нь мэдээлэл боловсруулах, холбоо харилцаа, эрчим хүч, анагаах ухаан зэрэг салбарын ирээдүйг үндсээр нь өөрчлөх боломжтой гэж судлаачид үзэж байна. Квантын компьютер, квантын холбоо, квантын мэдрэгч зэрэг технологиудыг бодит амьдралд хэрэглэх шатандаа орж байгаа бөгөөд дэлхийн томоохон компаниуд энэ чиглэлд өрсөлдөж байна.
IBM, Google зэрэг корпорациуд 2025 онд бодит хүчин чадалтай квантын компьютерийн туршилтын загваруудыг амжилттай боловсруулсныг мэдээлжээ. Энэхүү технологи нь одоогийн суперкомпьютерээс тэрбум дахин хурдан тооцоолох чадвартай байж болох юм.
НҮБ-ын үзэж буйгаар, энэ онд квантын шинжлэх ухааны талаарх боловсрол, олон нийтийн ойлголтыг гүнзгийрүүлэх, залуу үеийг шинжлэх ухаанд уриалах олон улсын хөтөлбөрүүд хэрэгжих аж.
Монгол Улсын хувьд ч квантын технологийн чиглэлээр судалгаа, боловсролыг хөгжүүлэх шинэ боломжууд нээгдэж байна гэж МУИС болон ШУТИС-ийн физикийн тэнхимийн багш нар онцолжээ.
Эх сурвалж: United Nations: International Year of Quantum Science and Technology 2025
Сэтгэгдэл бичих