Германы Мюнхен олон улсын нисэх онгоцны буудал орчимд үл мэдэгдэх хэд хэдэн дрон хөөрсний улмаас өнөөдөр өглөө олон нислэг цуцлагдаж, зарим нь чиглэлээ өөрчлөхөд хүрлээ.
Орон нутгийн цагдаагийн газраас мэдээлснээр, одоогоор дроны тоо болон гарал үүслийг тодорхойлох ажил үргэлжилж байгаа бөгөөд зорчигчдын аюулгүй байдлыг хангах үүднээс буудлын үйл ажиллагаанд түр хугацааны хязгаарлалт хийжээ.
Энэхүү явдал нь Европын томоохон агаарын тээврийн төвүүдийн нэгт аюулгүй байдлын ноцтой сорилт боллоо гэж шинжээчид үзэж байна. Зарим улс төрчид болон иргэдийн төлөөлөл “дрон ашиглалтыг хязгаарлах, хууль тогтоомжийг чангатгах шаардлагатай” хэмээн уриалж байна.
Эх сурвалж: The Guardian
Сэтгэгдэл бичих