Амралт, аялал, зугаалгын улирал эхэлж, иргэд Увс нуур, Хяргас нуур, Үүрэг нуур гэх мэт байгалийн сайхан тогтоц бүхий газруудад амрах, аялж зугаалах нь нэмэгдэж байна. Гэвч амралттай зэрэгцэн усны осолд өртөх эрсдэл нэмэгддэг тул дараах зөвлөмжийг чанд мөрдөхийг ОБГ-аас уриалж байна:
ХҮҮХДЭД ХАРАА ХЯНАЛТАА САЙЖРУУЛАХ
• Жаахан хүүхдүүдийг хэзээ ч ганцааранг нь орхихгүй байх
• Насанд хүрээгүй хүүхдийг гол, нуурын орчим тоглуулахгүй байх
• Хүүхдүүдийг амралтын үеэр усны аюулаас хамгаалах тухай байнга сургаж, анхааруулах
АЮУЛТАЙ ТОНОГ ТӨХӨӨРӨМЖИЙГ БҮҮ АШИГЛА
• Хийлдэг завь, хийлдэг гудас, автомашины дугуйн дотуур хаймар зэрэг нь тогтвортой бус, осолд өртөх өндөр эрсдэлтэй тул хэрэглэж болохгүй
• Эдгээр нь салхинд урсаж холдож, бага насны хүүхэд, сэлж чадахгүй хүн эрсдэлд орох нөхцөл бүрдүүлдэг
ЦАГ УУРЫН НӨХЦӨЛД ТУЛГУУРЛА
• Бороо, үерийн сэрэмжлүүлэг өгсөн үед огтхон ч гол, нуурын орчимд амрахгүй байх
• Уулын ус буух магадлалтай газарт байрлал засахгүй байх
• Цаг агаарын мэдээллийг тогтмол хянаж, шаардлагатай бол амралтаа хойшлуулах
АЮУЛГҮЙ АМРАЛТ — ТАНЫ ГАРТ
• Усны ослоос урьдчилан сэргийлэхийн тулд аврах хантааз заавал өмсөх
• Хариуцлагатай байж, эргэн тойрныхондоо анхааруулга өгөх
• Ямар нэг осол, эрсдэлийн үед нэн даруй 7045-101, 7045-105 дугаарт мэдээллэх
Онцгой байдлын газраас Увс болон Хяргас нууранд нийт 14 алба хаагч нуурын эргийн байнгын хамгаалалтад үүрэг гүйцэтгэн ажиллаж байна. Иргэд та бүхэн үүрэг хариуцлагаа ухамсарлаж хараа хяналтаа алдахгүй байхыг онцгойлон анхааруулж байна.Нэг хормын хайхрамжгүй байдал нь амь насанд заналхийлэх эрсдэлтэй.
Амралт сайхан ч, амь нас хамгийн чухал!
Иргэн бүр хариуцлагатай хандаж, өөрийгөө болон бусдыг хамгаалцгаая!
Увсын онцгой байдлын газар
Сэтгэгдэл бичих