Сүүлийн үед уурхайчид тэдний хөдөлмөрийн нөхцлийг хамгаалах байгууллага үйлдвэрчний эвлэл гэж байхгүй тэд өөрсдийнхөө төлөө тэмцэж байна. Г. Хажид уурхайчдын эрх ашгийг хамгаалж Монгол Улсын Ерөнхийлөгч У. Хүрэлсүхэд мэдэгдэл хүргүүллээ. Тэрээр хэлэхдээ: Эрх мэдэлтнүүд гадны компаниудад зориулж хууль баталж байна. Уурхайчид хөдөлмөрийн мөлжлөгт өртөж байна. Хаанаас ирсэн мэдэхгүй өмхий махаар хоол хийдэг, маш олон жилээр нийгмийн даатгалыг нь төлдөггүй гэж хэллээ.
Уул уурхай нь эдийн засгийн гол тулгуур болдог Монгол Улсын хувьд уурхайчдын эрх ашгийг хамгаалах зайлшгүй шаардлагатай. Тэдний ажиллах нөхцөл, гэр бүлээсээ хол зайд ажиллах гэх мэт тулгамдаж буй асуудал цөөнгүй. Уурхайчид эрх ашгийнхаа төлөө Ерөнхийлөгчид хандаж байх энэ үед Монголын үйлдвэрчний эвлэлийн холбоо Ерөнхийлөгчөө сонгох гээд завгүй явна.
Арван мянган уурхайчдын төлөөлөл хэвлэлийн бага хурал дээр хэлэхдээ:
Бид нар хууль бус зүйл шаардаагүй, хөдөлмөрийн гэрээ, хөдөлмөрийн хуулиа дагаж мөрдөөч гэх шаардлага тавьсан. Гадны уул уурхайн компаниуд хөдөлмөрийн мөлжлөг хийдэг, илүү цагаар ажилласан цалингаа авах, бид нар баялгаа гадныханд ухаж өгдөг боол болчихлоо. Өдрийн 12 цаг ажилласан байхад 8 цагаар тооцож цалин бодож байна. Тиймээс энэ асуудал дээр Ерөнхийлөгч Хүрэлсүх анхааралдаа авах шаардлагатай байна. Энд уурхайн ажилчдын эрх ашгийг гадны компаниуд зөрчсөөр байна гэлээ.
Сэтгэгдэл бичих