С.Баяр, Сү.Батболд нарын үед нохойн замаар орсон Ухаа худаг ордын тодорхой хэсгийг эргүүлэн авах ёстой гэж давлагаа нийгэмд хүчтэй өрнөж байна. Төрийн хөрөнгөөр хайгуул хийгдсэн стратегийн ач холбогдол бүхий ордын 50 хувийг төр эзэмших нь угтаа бол зөв асуудал.
Үүний хажуугаар Засгийн газрын хэрэг эрхлэх газрын дарга Учрал УИХ-ын чуулганд олны анхаарал татсан мэдэгдлийг хийв.
Төгрөг нуурын ордыг Женког гаднын дөрвөн иргэнд 250 сая доллароор зарсан гэнэ. Уг орд нь Таван толгойн бүлэг ордын талтай дүйцэхүйц 3 тэрбум тонны нүүрсний аварга нөөцтэй нийслэлээс ердөө 100 км зайтай, 34 км үргэлжилдэг орд юм байна.
Ташрамд хэлэхэд Женко аажаа жуужаа нараа дагуулан хөх тугаа намируулан байгалийн баялгийг ард түмэн эзэмших ёстой гэж ярьж явдаг. Тэгвэл биднийг тархийг чинь ашиг сонирхлын зөрчилтэй хүмүүс угаадаг болж таарлаа.
Энэ ордын үр өгөөжийг Монгол Улс хүртэх юм бол иргэн бүрд 25 мянган ам.доллар ногдоно гэнэ. Бид баялгаа бусдад зүгээр өгчхөөд өөрснөө ядуу хэвээрээ үлддэг нь Женко мэтээс болдог.
Хамгийн зөв гэмээр нэг асуудлыг хөндсөн 34 хувийг төр эзэмших гэтэл гардныхан оюутолгойн шиг менежментийн зардлаа өсгөөд ноогдол ашиг хүртэх хугацааг хойшлуулдаг. Үүнийг АМНАТ-аар орлуулах, бүтээгдэхүүн хуваахаар орлуулахыг УИХ-аар шийднэ гэдгийг Учрал сайд нэмж хэлсэн.
Цаашдаа 39 стратегийн ордоо нээлттэй ярьж идсэн уусан хүмүүсийг ил зарлаж яагаад болохгүй гэж. Монголын баялаг Монгол түмнийх л байх ёстой.
Чанцалын Бэлгүүтээ
Сэтгэгдэл бичих