“Шатдаун” буюу засгийн газрын үйл ажиллагаа хэсэгчилэн түр зогсолтод ороод буй нөхцөл байдлаас үүдэн АНУ-ын засаг захиргааны төлөөлөгчид энэ оны нэгдүгээр сарын 22-25-нд Швейцарын Давос хотноо болох Дэлхийн эдийн засгийн чуулга уулзалтад оролцохгүй гэж Цагаан ордны албан ёсны төлөөлөгч Сара Сандерс мэдэгджээ.
Үүнээс өмнө АНУ-ын Ерөнхийлөгч Дональд Трамп Давосын форумд оролцохгүй гэж мэдэгдэж байсан бөгөөд АНУ-ын сангийн сайд Стивен Мнучин тэргүүтэй төлөөлөгчид оролцоно гэж таамаглаж байсан билээ. Төлөөлөгчдийн бүрэлдэхүүнд тус улсын бусад сайд нар орох ёстой байв.
Ерөнхийлөгч Трамп Швейцарын Давост болох Дэлхийн эдийн засгийн форумд төлөөлөгчдийг оролцуулах шийдвэрийг цуцалсан гэж Сандерс мэдээлэв.
Пүрэв гарагт /2019.01.17/ Цагаан ордны төлөөлөгч АНУ-ын төлөөлөгчид Давос хотыг зорино хэмээн сэтгүүлчдэд мэдээлж байв.
Сэтгэгдэл бичих