Эрүүгийн цагдаагийн албаны Эдийн засгийн гэмт хэрэгтэй тэмцэх газраас урд шөнө буюу есдүгээр сарын 06-ны шөнө ДЦС-3 -ын гүйцэтгэх захирал Л.Эрхбаатарыг бусдаас их хэмжээний мөнгө авч байсныг газар дээр нь илрүүлэн баривчилжээ.
Тодруулбал, ДЦС-3 -ын гүйцэтгэх захирал Л.Эрхбаатар нь Хасу Эрчим ХХК-ийн гүйцэтгэх захирал Б.Бат-Эрдэнээс тендер сонгон шалгаруулалтад тэнцүүлж өгсний авлигалд 100 орчим сая төгрөгийг авлигаар авч байсан нь илэрсэн байна.
ДЦС-3 ТӨХК нь энэ оны долдугаар сард “Утаа сорогч худалдан авах”, “Дулаалгын материал худалдан авах” зэрэг хэд хэдэн тэрбумын төсөвт өртөгтэй 2 тендер зарлаж, Хасу-Эрчим ХХк-г шалгаруулан гэрээ хийсэн байна.
Л.Эрхбаатарыг прокурорын зөвшөөрлийн дагуу 461-р хорих ангид цагдан хорьж, шалгалтын ажиллагааг үргэлжлүүлж байна. Л.Эрхбаатарын гэрээс их хэмжээний бэлэн мөнгө, эд зүйл гарсан гэх ч мэдээлэл байгаа юм.
Л.Эрхбаатар нь өмнө нь Эрдэнэтийн дулааны цахилгаан станцад ажиллаж байсан бөгөөд уг албан тушаалд томилогдоод нэг жил болж байгаа юм. Уг хэргийн талаар удахгүй дэлгэрэнгүй мэдээлэл хүргэх болно.
Сэтгэгдэл бичих