Баянзүрх дүүргийн 97 дугаар сургуулийн 40 сурагч нэгнийгээ бүлэглэн зодсон талаар хохирогчийн ах хэвлэлд хандлаа.
Тэрбээр “Энэ сургуулийн хажуугаар би 10 гаруй жил өнгөрсөн. Сурагчид зодолдож байхад дуугүй өнгөрч байсан нь миний буруу. Ойрд сурагчид зодолдсон, нэгнээ гэмтээсэн хэрэг хэрэг гарсаар байгаа. Салбарын сайд олигтой юм хийж байгаа юм алга.
Өчигдөр гурван сургуулийн 40 сурагч дүүг минь нийлээд зодчихлоо. Хичээлээ тарах үед нь отож байгаад бүлэглэн зодсон байна. Сургуулиас 100-хан метрийн зайдай ийм зодоон болоход сургуулийн удирдлага, багш, нийгмийн ажилтан нь хаана байсан бэ.
40 хүүхдэд зодуулсан хүүхдийн бие ямар байгаа нь тодорхой. Их муу байна. Боолгуулаад ухаан алдчихсан байхад дух руу өшиглөсөн байна. Одоо гавлын яс нь цууралттай, тархинд нь цус хурчихлаа. 40-үүлээ нэг хүүхдийг зодож байхад нэг ч боль гээд хэлчихээгүй, багшдаа хэлээгүйд гайхаж байна. Бид цагдаагийн байгууллагад гомдол гаргасан” гэлээ.
Энэ хэргийг Баянзүрх дүүргийн Цагдаагийн II хэлтэст шалгаж байна.
Сэтгэгдэл бичих