Өнгөрсөн шөнө орсон усархаг борооны улмаас Орхон аймгийн 17-р сургуулийн хана,тааз, шал цөмөрч аюултай нөхцөл байдал үүсэн, 280 хүүхдийн цогцолбор сургууль цаашид үйл ажиллагаа явуулах боломжгүй болжээ.
‘Хүүхдүүдээ хичээл сургалтаас хоцроохгүйн тулд цаасан материал тараах, ном хэрэгслээр хангах зэргээр багш нар маань бүх боломжийг эрэлхийлж байна. Барилгын ажлыг гүйцэтгэсэн ‘Урагшлах’ ХХК нь Хөвсгөл аймагт байрладаг. Маргааш тус компанийн хүмүүс ирэхээр цаашид хэрхэн засах сэлбэх талаар ярилцана’ гэж сургуулийн захирал мэдэгдсэн байна.
2017 онд ашиглалтад орсон уг барилгад хоёр жилийн өмнөөс бага хэмжээний цууралт үүсэж гүйцэтгэгч компанийн хөрөнгөөр дахин засвар үйлчилгээ хийсээр иржээ.
Сэтгэгдэл бичих