УИХ-аас Өршөөл үзүүлэх тухай хуулийг 2021 оны долоодугаар сарын 2-ны өдөр баталсан . Хуулийн хэрэгжилт 2021 оны долдугаар сарын 6-ны өдрөөс хүчин төгөлдөр мөрдөгдөж буй. Энэ хуулиар зарим гэмт хэрэг, зөрчил үйлдсэн хүн, хуулийн этгээдийг эрүүгийн хариуцлага, зөрчлийн шийтгэлээс нэг удаа өршөөн хэлтрүүлэх, чөлөөлөх, хасах, ялын төрлийг сольж шийдвэрлэж байна.
Давхардсан тоогоор нийт 4938 хүн өршөөлийн хуульд хамрагдсанаас хорих ялаас суллагдсан 253 иргэн байгаа юм. Тухайлбал, насанд хүрээгүй нэг хүүхэд, долоон эмэгтэй, 245 эрэгтэй хүнийг хорих ялаас өршөөн хэлтрүүлжээ. Өршөөлийн хуулиар суллагдсан иргэдийг урьд нь гэмт хэрэг үйлдэж, ял шийтгэгдсэн эсэхээр нь ангилбал
Анх удаа хэрэг үйлдсэн 160
Хоёр удаа – 50
Гуваас дээш удаа хэрэг үйлдсэн 43 хүн байна.
Түүнчлэн шүүхээс өршөөл үзүүлэх тухай хуулийн
4-р зүйлийн 4.1 дэх хэсэгт зааснаар нийт 1897 ялтныг өршөөн хэлтрүүлсэн.
5-р зүйлийн 5.1-5.3 зүйлд зааснаар 499 хүнд холбогдох 425 хэргийг өршөөн хэрэгсэхгүй болгосон.
6-р зүйлийн 6.1-6.3 дахь зүйлд зааснаар 602 ялтны эдлээгүй үлдсэн хорих ялаас хоёр жилийг хассанаас 166 ялтан суллагдсан.
7-р зүйлийн 7.1-7.3 зүйлд зааснаар 1061 ялтанд оногдуулсан хорих ялыг дүйцүүлэн хассан.
8-р зүйлийн 8.1 дэх хэсэгт зааснаар 879 хүнд холбогдох 873 хэргийг өршөөн шийтгэлээс чөлөөлжээ.
Мөн согтуугаар тээврийн хэрэгсэл жолоодон санамсаргүйгээр хүний амь нас хохироосон иргэд өршөөлийн хуульд хамрагдсан аж.
Сэтгэгдэл бичих