ӨМӨЗО-ны иргэд хэл бичгийнхээ төлөө тэмцэл өрнүүлсээр, энэ тухай мэдээлэл олон нийтийн сүлжээнд хүчтэй давалгаалж байна.
Өвөр Монгол иргэдийн байр суурийг Монгол Улсын Ерөнхийлөгч асан Ц.Элбэгдорж дэмжиж буйгаа илэрхийлж, өөрийн цахим хуудсаар лайв хийлээ.
Тэрбээр ‘Эх хэлээ мартвал толгойгоо тасдуулсантай адил. Монгол хүн Монгол хэл бичгээ өмөөрч дуугарахгүй бол, тэмцэхгүй бол өөр хэн ч бидний өмнөөс хэлэхгүй, тэмцэхгүй. Үсэрсэн цус, тасарсан мах Монгол ахан дүүсээ одоо дэмжихгүй бол хэзээ дэмжих юм бэ. Бичиг, хэлээ унаган төрхөөр нь хадгалахын төлөө тэмцэл бол Монгол хүн бүрийн ариун үүрэг. БНХАУ-ын дарга Си Зиньпин бусдын хэл соёлд хүндэтгэлтэй ханддаг хүн. Тэгэхээр хүндэтгэлтэй хандана гэж итгэж байна’ гэв.
