Хүн амын эрүүл мэндийг дэмжих, өвчлөлөөс урьдчилан сэргийлэх, өвчлөлийг бууруулах зорилготой эрүүл мэндийн урьдчилан сэргийлэх багц үзлэгт иргэд идэвхтэй хамрагдах хэрэгтэй байна.
Хамгийн чухал нь эрүүл мэндийн даатгалаараа үнэ төлбөргүйгээр өөрийн насанд тохирсон багцын үзлэгт хамрагдах боломжтой аж. Энэхүү үзлэгийг өмнө нь аймгийн Нэгдсэн эмнэлэгт болон хувийн эмнэлгүүдэд хийж байсан бол 9-р сарын 1-нээс эхлээд сумын эмнэлгүүд, өрхийн эрүүл мэндийн төвүүдэд мөн хийхээр болжээ.
‘Эрүүл мэндийн урьдчилан сэргийлэх багцын үзлэгийн хувьд хүн амын насны онцлогийг харгалзан түгээмэл өвчлөл болон өвчлөлд өртөх эрсдэлийг тооцож хийх юм. Тухайлбал 18-34 насны багц үйлчилгээнд биеийн бүрдэл үзлэг, бэлгийн замын халдварт өвчний илрүүлэг, рентген зураг, хэвлийн эхо зэрэг багтсан бол 35-45 насны багцад зүрхний бичлэг, хэвлийн эхо, цусанд сахар үзэх, умайн хүзүүний хавдрын илрүүлэг зэрэг үзлэг багтаж байгаа’ хэмээн аймгийн Нийгмийн даатгалын хэлтсийн мэргэжилтэн Д.Ирээдүй хэллээ.
