Нийслэлийн Засаг даргын Тамгын газар, нийслэлийн Соёл урлагийн газар, Монголын урлагийн зөвлөл, “Номадиа” пикчерс хамтран Монголын кино урлагийг хөгжүүлэх, суран бүтээлчдийн чадавхыг бэхжүүлж, олон улсын хамтын ажиллагаа, өрсөлдөх чадварыг нэмэгдүүлэх, дэлхийн шилдэг кино бүтээлийг Монголын үзэгчдэд хүргэх зорилгоор “Улаанбаатар” олон улсын кино наадмыг зохион байгуулдаг.
Тэгвэл 12 дахь удаагийн “Улаанбаатар” олон улсын кино наадам ирэх аравдугаар сарын 19-25-нд болно. Түүнчлэн тус кино наадмыг Монгол эсвэл Монгол-олон улсын хамтарсан кино бүтээлээр нээдэг уламжлалтай. Энэ хүрээнд кино найруулагч, уран бүтээлчдийн дунд “Улаанбаатар” олон улсын кино наадмын нээлтийн киног сонгон шалгаруулах уралдаан зарлажээ.
