Монголын театрын урлагийн шилдгүүдийг тодруулдаг ‘Гэгээн Муза-2020’ наадмын Академийн шагнал гардуулах ёслол, улаан хивсний баяр наймдугаар сарын 30-ны 17:00 цагт “Хүн” театрт болохоор товлогджээ.
Энэ наадам тавдугаар сард зохион байгуулагдах байсан ч ‘Ковид-19’-ийн улмаас хойшилсон юм. Драмын урлагийн шилдэг уран бүтээл, шилдэг уран бүтээлчийг шалгаруулдаг энэ наадмыг Олон улсын театрын өдрөөр 2003 оноос хойш зохион байгуулж эхэлсэн билээ.
