Дэлхий дахинаа ӨНӨӨДРИЙН БАЙДЛААР /2020.08.24/ 23,235,000 хүн коронавирус халдвараар өвчилж, 814,000 хүн уг өвчний улмаас эндэж, 16 сая хүн эдгэрээд байна.
Сүүлийн 24 цагт нийт 196,000 хүн шинээр халдвар авч 4,000 гаруй хүн эндсэн нь өмнөх өдрөөс шинэ тохиолдол 48-аар, эндэгдэл 1000 гаруйгаар буурсан дүнтэй байгааг Эрүүл мэндийн яамны хэлтсийн дарга Д.Нарангэрэл мэдээллээ.
Хичээлийн шинэ жил эхэлж байгаатай холбоотойгоор олон оронд халдварын тохиолдол нэмэгдэж, оюутнуудын дунд халдвар эрс нэмэгдсэн тул АНУ-ын Алабама, Зүүн Каролина их сургуулиуд цагдаагийн байгууллагатай хамтран ажиллаж эхлээд байна. Мөн өвчин голомтлон гарсан сургуулиудад хичээлийг цахим хэлбэрт шилжүүллээ.
Чех, Франц улсад өнгөрсөн долоо хоногт тохиолдлын тоо хамгийн өндөр хэмжээнд хүрсэн өдрүүд бүртгэгдсэнээс тус улсаас дэглэм журмыг улам чангатгаж байна. Австралийн Мельбурн хотод сүүлийн гурав хоногт тохиолдлын тоо буурсан сайхан мэдээ байна.
Манай улсад тусгаарлан ажиглалтад өчигдөр /2020.08.23/ шинээр 271 хүн орсон бол 3 хүн гэрийн тусгаарлалтад шилжлээ. Одоогоор 3,562 хүн тусгаарлан ажиглалтад байна. Цэргийн төв эмнэлэгт 53 хүн хэвтэн эмчлүүлж байгаагаас 3 хүн эрчимт эмчилгээний тасагт байгаа” гэдгийг хэллээ.
ОХУ-д сүүлийн 24 цагт 4752 хүн шинээр халдвар авч, 73 хүн эндсэн бол БНХАУ-д 41 шинэ тохиолдол бүртгэгдсэний 16-нь гадаадаас зөөвөрлөгдөн орж ирсэн байна.
БНСУ-д улсад халдварын тохиолдол өсөж байгаа учраас тухайн улсын Засгийн газраас хязгаарлалтын дэглэмийн хоёрдугаар зэрэг рүү шилжиж байгаагаа мэдэгдсэн. Энэ хүрээнд нийтийн тээвэрт явахдаа заавал гар ариутгагч хэрэглэх, олон нийтийн газар гар утсаар ярихгүй байх, амны хаалт зүүхгүй байгаа иргэдийг мэдээлдэг болох арга хэмжээг авч эхлээд байна.
