Наймдугаар сарын 5-6-нд шилжих шөнө Сүхбаатар дүүргийн нэгдүгээр хороонд байрлах газарт болсон шоуны үеэр хүний амь хөнөөгөөд, цогцсыг нуусан жигшүүрт хэрэг гарлаа.
Тус шоунд ирсэн 34 настай эрэгтэйн цогцос зодуурын шархтайгаар тайзны араас олдсон байна.
Мөрдөн шалгах хэлтсийн онц хүнд гэмт хэрэгтэй тэмцэх тасгийн алба хаагчид уг хэрэг дээр ажиллаж байгаа бөгөөд 26-28 насны найман залууг сэжигтнээр татаж, шалгалтын ажиллагааг явуулж дээрмийн шинжтэй үйлдэгдсэн байж болзошгүй урьдчилсан нөхцөл байдал тогтоогдсон байна.
