Нийслэлийн Онцгой Байдлын газар зургаадугаар сарын 15-аас аравдугаар сарын 15 хүртэл Туул, Тэрэлж гол дагуу хөдөлгөөнт завьт эргүүл ажиллуулж байгаа ба нийт 280 орчим иргэнийг усны ослоос авран хамгаалжээ.
Нийслэлийн Онцгой байдлын газрын Гамшгаас урьдчилан сэргийлэх хэлтсийн дарга, хурандаа Г.Нэргүй ‘Өнөөдрийн байдлаар Туул болон Тэрэлж голд усанд осолдсон гэх дуудлагын дагуу гурван иргэнийг эрэх хайх ажиллагааг явуулж байна. Ойрын өдрүүдэд бороо их орох тул иргэдийг анхаарал болгоомжтой байхыг анхааруулж байна’ гэв
