Дэлхийн агаарын тээврийн ертөнцөд Airbus Beluga XL ачаа тээврийн онгоц хамгийн их хүлээлт үүсгэж байв. Тэгвэл “нисдэг халим” энэ сарын 9-нд анхны нислэгээ маш амжилттай гүйцэтгэсэн байна.
Airbus компани энэхүү онгоцныхоо гадна будгийг ажилчдынхаа дунд санал асуулга явуулж сонгожээ. Нийт 20 мянган ажилчдын 40 хувь нь онгоцны өөрийнх нь өвөрмөц хэлбэрт тохирсон халимны загварыг сонгосон байна.
Тус онгоц 63,1 метр урт, 18,9 метр өндөр нэг удаадаа 60 тонн хүртэл ачааг тээвэрлэх чадалтай гэх мэдээллийг Airbus компаниас өгч байна.
Сэтгэгдэл бичих