Сүүлийн үед Консулуудтай холбоотой таагүй хэргүүд ар араасаа гарсаар байна.
Тухайлбал, хар тамхи тээвэрлэж зөөсөн гэх дипломатын асуудлын Герман улсад шалгаж байгаа бол Монгол Улсаас БНХАУ-ын ӨМӨЗО-ны Хөх хотод суугаа Ерөнхий консул Д.Мөнх-Эрдэнэтэй холбоотой хэрэг ч мөн сенсааци тарив.
Тэрбээр гэмт хэрэгт холбогджээ.Тодруулбал, Хөх хот дахь Ерөнхий консулаар таван жил ажиллаж байгаа тэрбээр Монголоос автомашин дамлаж хятад иргэдэд зарж БНХАУ-ын хууль сахиулах байгууллагын анхааралд өртсөн байна.
ДТГ-ын дипломат ажилтан, албан хаагчид суугаа орондоо нэг удаа татваргүйгээр автомашин оруулах эрхтэй байдаг юм байна. Гэвч Д.Мөнх-Эрдэнэ энэ эрхээ давуулан эдэлж, тансаг зэрэглэлийн автомашиныг удаа дараа хятад иргэдэд борлуулсан гэх.
Хамгийн эхлээд тэр 2016 оны долдугаар сард Монголоос авч очсон “Mersedes Benz Maybach” маркийн автомашиныг хятадын иргэн Дэн Жанжуд шилжүүлсэн бол мөн оны наймдугаар сард “Range Rover” маркийн автомашиныг Замын-Үүдийн боомтоор гаргаж, Эрээний бизнес эрхлэгч Сайзанд шилжүүлсэн гэх мэдээлэл байгаа юм.
Тэгвэл энэ хууль бус мэдээллийн мөрөөр салбарын сайд Д.Цогтбаатар Консул Д.Мөнх-Эрдэнийг эгүүлэн татах талаар өөрт нь хэлж байжээ.
Гэвч удалгүй эрүүгийн хэрэгт шалгагдаж эхэлсэн түүнийг эгүүлэн татах боломжгүй. Шалгаж дууссаны дараа энэ асуудлыг дахин хэлэлцэнэ гэдгийг салбарын сайд нь хэлэв.
О.Гэрэл
Оллоо.mn
Сэтгэгдэл бичих