Нийслэлийн Баянзүрх дүүрэгт байрлах орон сууцны тагтнаас унах гэж байсан хүүхдүүдийг Онцгой байдлын аврагчид аварчээ. Тодруулбал, тус дүүргийн 16-р хороонд байрлах есөн давхар орон сууцны зургаадугаар давхраас бага насны хоёр хүүхэд унах гэж байна гэсэн мэдээллийг Онцгой байдлыг алба хүлээн 19:25 цагт хүлээн авч Нийслэлийн Онцгой байдлын газрын Аврах ангийн найман алба хаагч, хоёр автомашинтай 12 км зам туулан 19:41 цагт очиход тус байрны оршин суугч иргэн О-гийн охид болох 7 настай, эмэгтэй С, 7 настай, эмэгтэй Н нар тагтнаас унаж болзошгүй эрсдэлд орсон байсныг аврах ажиллагаа явуулж эсэн мэнд буулган авчээ.
Улмаар охидыг Баянзүрх дүүрэг дэх Цагдаагийн нэгдүгээр хэлтсийн жижүүрийн бүрэлдэхүүнд шилжүүлэн өгчээ. Албаныхны мэдээлж буйгаар, бага насны хүүхдүүдийг харгалзах хүнгүйгээр гэрт нь үлдээсэн байсан нь дээрх эрсдэлд хүргэжээ.
Сэтгэгдэл бичих