УИХ-ын чуулганы нэгдсэн хуралдаан 14.00 цагаас эхэлнэ. Өнөөдрийн хуралдаанаар засгийн газрын гишүүнийг огцруулах, томилох тухай асуудал танилцуулах болон Засгийн газрын гишүүн УИХ-д тангараг өргөнө.
Мөн МАН, АН, ХҮН намын бүлгийн хуралдаан 10:00 цагаас эхэлнэ.
Төрийн байгууллагын хороо 12:00 цагаас хуралдаж Улсын Их Хурлын 2026 оны намрын ээлжит чуулганаар хэлэлцэх асуудлын жагсаалтад ороогүй хууль, тогтоолын төслүүдийг чуулганаар хэлэлцүүлэх эсэх асуудлыг хэлэлцэнэ.
Чуулганы нэгдсэн хуралдаанаар
- Монгол Улсын нэгдсэн төсвийн 2026 оны төсвийн хүрээний мэдэгдэл, 2027-2028 оны төсвийн төсөөллийн тухай хуульд өөрчлөлт оруулах тухай хуулийн төсөлтэй хамт өргөн мэдүүлсэн Төсвийн тогтвортой байдлын тухай хуульд нэмэлт, өөрчлөлт оруулах тухай хуулийн төсөл /Засгийн газар 2026.08.20-ны өдөр өргөн мэдүүлсэн, хэлэлцэх эсэх, асуулт асуух хугацаа 60 минут/
- Төсвийн тогтвортой байдлын тухай хуульд нэмэлт, өөрчлөлт оруулах тухай хуулийн төсөл /УИХ-ын гишүүн Г.Тэмүүлэн нарын 13 гишүүн 2026.06.10-ны өдөр өргөн мэдүүлсэн, хэлэлцэх эсэх, асуулт асуух хугацаа 90 минут/
- Монгол Улсын нэгдсэн төсвийн 2027 оны төсвийн хүрээний мэдэгдэл, 2028-2029 оны төсвийн төсөөллийн тухай хуульд өөрчлөлт оруулах тухай хуулийн төсөл /Засгийн газар 2026.08.31-ний өдөр өргөн мэдүүлсэн, нэг дэх хэлэлцүүлэг, үргэлжилнэ/
- Монгол Улсын 2027 оны төсвийн тухай, Үндэсний баялгийн сангийн 2027 оны төсвийн тухай, Нийгмийн даатгалын сангийн 2027 оны төсвийн тухай, Эрүүл мэндийн даатгалын сангийн 2027 оны төсвийн тухай хуулийн төслүүд /Засгийн газар 2026.08.31-ний өдөр өргөн мэдүүлсэн, нэг дэх хэлэлцүүлэг, үргэлжилнэ/-ийг тус, тус хэлэлцэхээр төлөвлөжээ.
Өнгөрсөн пүрэв гарагт ХЗДХ-ийн сайдын томилгоог танилцуулж, төсвийн хэлэлцүүлгүүдийг хийх байсан ч гишүүдийн ирц хүрэлгүй дөрвөн цаг хүлээсний эцэст чуулганыг энэ даваа, мягмар гарагт хуралдуулахаар хойшлуулсан юм.
Эх сурвалж: Parliament.mn
Сэтгэгдэл бичих