Монгол Улсын замын хөдөлгөөний дүрмээр мотоцикл болон суррон жолоодох эрхийг 18 наснаас дээш иргэдэд олгодог бөгөөд насанд хүрээгүй хүн ийм төрлийн тээврийн хэрэгслээр замын хөдөлгөөнд оролцохыг хориглосон байдаг.
Мөн Улаанбаатар хотын Засаг даргын 2025 оны аравдугаар сарын 15-ны өдрийн А/1453 дугаартай захирамжаар 2025 оны аравдугаар сарын 20-ноос 2026 оны дөрөвдүгээр сарын 10-ныг хүртэл “хоёр дугуйт” тээврийн хэрэгслийн хөдөлгөөнийг түр хугацаанд хязгаарласан байна.
Улсын Ерөнхий Прокурорын газар-аас мэдээлснээр, Тээврийн прокурорын газар-ын судалгаагаар 2025 оны байдлаар улсын хэмжээнд сурроны хэрэглээтэй холбоотой 161 зам тээврийн осол бүртгэгдсэн байна.
Эдгээр ослын улмаас нийт 32 хүүхэд эрүүл мэндээрээ хохирсон бөгөөд энэ нь өмнөх оноос 12 хувиар өссөн үзүүлэлт ажээ. Хохирлын зэрэглэлийг авч үзвэл:
- 21 хүүхэд хөнгөн гэмтэл авсан
- 7 хүүхэд хүндэвтэр гэмтэл авсан
- 4 хүүхдийн эрүүл мэндэд хүнд хохирол учирсан байна
Насны ангиллаар:
- 17 настай – 16 хүүхэд
- 16 настай – 7 хүүхэд
- 15 настай – 5 хүүхэд
- 15-аас доош насны – 4 хүүхэд хохирчээ
Эдгээр тоон үзүүлэлт нь насанд хүрээгүй хүүхдүүд замын хөдөлгөөнд зөвшөөрөлгүй оролцож байгаатай холбоотой эрсдэл нэмэгдсээр байгааг харуулж байгаа бөгөөд холбогдох байгууллагууд хяналт, зохицуулалтыг чангатгах шаардлагатайг онцолж байна.
Сэтгэгдэл бичих