Нийслэлийн Засаг даргын Тамгын газар-аас гаргасан захирамжийн дагуу скүүтер, мопед, цахилгаан дугуйн хөдөлгөөнийг 2026 оны дөрөвдүгээр сарын 10-наас эхлэн албан ёсоор зохицуулах юм.
Захирамжаар 16 нас хүрээгүй иргэдэд скүүтер, мопед, цахилгаан дугуй унахыг хориглосон байна. Мөн эдгээр тээврийн хэрэгслийг ашиглахдаа E-Mongolia системээр дамжуулан бүртгүүлж, баталгаажуулах шаардлага тавигджээ.
Түүнчлэн явган хүний замаар скүүтер, мопедтой зорчсон тохиолдолд торгууль ногдуулах бөгөөд 16 нас хүрээгүй хүүхэд дээрх тээврийн хэрэгслийг унасан бол эцэг эх, асран хамгаалагчийг 400 мянган төгрөгөөр торгох зохицуулалт тусгагдсан байна. Дээрх журмын хэрэгжилтэд Тээврийн цагдаагийн алба хяналт тавьж ажиллах аж.
Хэдийгээр журам дөрөвдүгээр сарын 10-наас мөрдөгдөх боловч зарим иргэд цахилгаан дугуйтай хөдөлгөөнд оролцож эхэлсэн байна. Үүнтэй холбоотойгоор Тээврийн цагдаагийн албанаас “Журам хэрэгжих хугацаанаас үл хамааран зөрчил гаргасан тохиолдолд хариуцлага тооцно” хэмээн мэдэгдлээ.
Сэтгэгдэл бичих