ОХУ-ын Батлан хамгаалахын дэд сайд асан Руслан Цаликов хэд хэдэн авлигын хэргээс болж баривчлагджээ. Аюулгүйн зөвлөлийн нарийн бичгийн дарга Сергей Шойгугийн ойрын холбоотон гэгддэг Цаликов нь 2015-2024 оны хооронд Батлан хамгаалахын дэд сайдын албыг хашсан байна.
Сергей Шойгу 2024 оны тавдугаар сард Батлан хамгаалахын сайдын албан тушаалаас огцорсон. Үүнээс хойш Батлан хамгаалах яамны дөрвөн ч дэд сайд огцроод буй бөгөөд сүүлийнх нь Цаликов болж байна. Түүнээс өмнө Тимур Иванов, Павел Попов, Дмитрий Булгаков нар огцорчээ.
Шойгуг огцорсны дараа Цаликов Батлан хамгаалах яамыг орхиж, улс төрд орсон. Тэрбээр эрх баригч Нэгдсэн Орос намаас Тувагийн бүсийн бүгд найрамдах улсад ажиллахаар сонгогдсон юм. Шойгу түүнийг Оросын Холбооны зөвлөлийн дээд танхимын сенатор болгох гэж оролдсон ч бүтээгүй.
Цаликовын 2017-2024 оны хооронд байгуулсан байгууллагын гишүүд нь улсын хөрөнгийг завшсан гэж Мөрдөн байцаах хороо буруутгасан байна. Түүнийг хөрөнгө завшсан гэх нийт 12 хэрэгт холбон буруутгажээ.
Сэтгэгдэл бичих