XVII дугаар жарны сүрээр дарагч хэмээх гал морин жилийн Цагаан сарын баярыг тохиолдуулан Монгол Улсын Ерөнхийлөгчийн зарлигаар хүн ардынхаа эрүүл мэндийг сахин хамгаалах үйлсэд олон жил идэвх санаачилга, үр бүтээлтэй ажиллан, манлайлж, эх орныхоо хөгжил дэвшилд үнэтэй хувь нэмэр оруулсан эрүүл мэндийн салбарын зүтгэлтнүүдийг Төрийн дээд шагнал, одон, медалиар шагнасныг Монгол Улсын Их Хурлын гишүүн, Засгийн газрын гишүүн, Эрүүл мэндийн сайд Ж.Чинбүрэн, Дэд сайд Г.Номин, Төрийн нарийн бичгийн дарга Д.Очирбат гардууллаа.
Эрүүл энхийг сахин хамгаалах ариун үйлс тань үеийн үед дэлгэрч, түмэн олны талархал, хүндэтгэлийг хүлээж байх болтугай.
Та бүхэндээ сар шинийн мэнд дэвшүүлж, сайн сайхан бүхнийг хүсэн ерөөе.
2026.02.16, Эрүүл мэндийн яам
Сэтгэгдэл бичих