Трампын засаг захиргаа Ираны эсрэг кибер халдлага үйлдэхээр бэлтгэж эхэлжээ. АНУ-ын Ерөнхийлөгч Дональд Трамп дайралт хийх цэргийн хувилбаруудыг санал болгосон ч албаны хүмүүс эрт байна гэж анхааруулжээ.
Мэдээллийн хуралд Төрийн нарийн бичгийн дарга Марко Рубио, АНУ-ын Батлан хамгаалахын сайд Пит Хэгсет, Штабуудын дарга нарын нэгдсэн хорооны дарга, генерал Дэн Кейн нар оролцож, Бүс нутгийн командлагчид жагсаал цуглааныг цус урсгаж дарсан аюулгүй байдлын албаны эсрэг ямар нэгэн цэргийн цохилт өгөхөөс өмнө “АНУ-ын цэргийн байр суурийг нэгтгэж, хамгаалалтад бэлтгэх” хэрэгтэй гэж албаныханд мэдэгджээ. Трамп Ираны дэглэмийг түлхэн унагаах эмх замбараагүй байдалд “оролцоно” гэж сүрдүүлж, хэрэв аюулгүй байдлын хүчнийхэн жагсагчдыг онилсон хэвээр байвал Иранд цохилт өгнө гэж анхааруулжээ.
Интернэт тасалдсанаас болж хэлмэгдүүлэлтийн нарийн ширийн зүйлийг нуун дарагдуулсан тул амиа алдагсдын бодит тоо нэлээд өндөр гэж ажиглагчид үзэж байна. Трампын засаг захиргаа мөн Иран руу “Starlink” илгээх талаар төлөвлөж байгаа бөгөөд Трамп ням гарагт “Starlink”-ийн ард байдаг “SpaceX”-ийн үүсгэн байгуулагч, тэрбумтан бизнесмэн Илон Масктай ярилцахаар төлөвлөж байгаагаа мэдэгдэв.
Ираны Ерөнхий прокурор эсэргүүцсэн хүн бүрийг “Бурханы дайсан” гэж үзэж, цаазаар авах ял онооно гэж мэдэгдэв. Үндэсний цагдаагийн дарга Ахмад-Реза Радан хэлэхдээ, эрх баригчид бямба гарагийн шөнө “чухал” баривчилгааг хийсэн бөгөөд дэлгэрэнгүй мэдээлэл өгөөгүй байна.
Инфляцийн өсөлтөөс үүдэлтэй эсэргүүцлийн жагсаал Ираны бүх муж даяар 100 гаруй хот, сууринг хамраад байгаа юм. Жагсагчид Ираны дээд удирдагч Аятолла Али Хаменеигийн шашны засаглалыг зогсоохыг нээлттэй уриалж байгаа юм.
Сэтгэгдэл бичих