“Улаанбаатар Смарт Карт” ХХК “CircleK”, CU зэрэг сүлжээ дэлгүүрүүдтэй хамтарч ажилласнаар иргэд “Umoney” карт цэнэглүүлэх үйлчилгээг 24 цагаар авах боломжтой болжээ.
Өнөөдрийн байдлаар нийт 547 “Umoney” карт борлуулах цэнэглэх цэг ажиллаж байгаагаас 426 нь үндсэн гэрээт цэнэглэх цэг буюу автобусны буудлын ойролцоо байрлах хувь хүмүүсийн ТҮЦ, дэлгүүрүүдэд байрлаж байгаа аж. Иймд иргэд “U money” картын борлуулалт, цэнэглэлтийн үйлчилгээ үзүүлж байгаа гэрээт цэгүүдийг таньж үйлчлүүлэхэд амар хялбар, ил тод, ойлгомжтой байлгах зорилгоор бүх гэрээт цэнэглэх цэгийн хаягжилтыг сольж сайжруулан, иргэдэд карт борлуулах цэнэглэх үйлчилгээг нийтийн тээврийн үйлчилгээний цагийн хуваарийн дагуу тогтмол үзүүлэхийг зорьж байгаа гэнэ.
Цаашид сүлжээ дэлгүүрүүд болон албан ёсны “Umoney” үйлчилгээний цэгийн тоог нэмэгдүүлэх замаар иргэд уртасгасан цагаар цэнэглэлтийн үйлчилгээг авах боломжийг бүрдүүлэх ажээ.
Сэтгэгдэл бичих