Ж.Баярмаа нь УИХ-ын 2024 оны сонгуульд Ардчилсан Намаас нэр дэвшин сонгогдсон.
Тэрбээр гадаад хэлний дээд сургууль, МУИС-ын хууль зүйн сургууль, МУИС-ийн Бизнесийн сургууль, Япон улсын Осакагийн Их Сургуулийг тус, тус төгссөн.
Мэргэжил: Англи хэлний орчуулагч, Эрх зүйч, Бизнесийн болон нийгмийн ухааны удирдлага.
УИХ-ын Төрийн байгуулалтын байнгын хороо, Хууль зүйн байнгын хорооны гишүүн,
Монгол-Вьетнамын парламентын бүлгийн дарга,
Монгол-Америкийн парламентын бүлгийн гишүүн,
Монгол-Британийн парламентын бүлгийн гишүүн,
Ардчилсан намын Дэд дарга,
Ардчилсан намын Үндэсний Зөвлөлдөх Хорооны гишүүнээр сонгогдон ажиллаж байна.
УИХ-ын гишүүнээр сонгогдсоноос хойш дангаараа болон УИХ-ын зарим гишүүдийн хамт нийт 8 хууль, тогтоомжийн төсөл санаачлан боловсруулсан байна.
УИХ-ын гишүүний хувьд Улсын төсвийн төлөвлөлтөд хяналт тавьж, төрийн бодлогыг төсвийн бодлогоор дамжуулан үр дүнтэй хэрэгжүүлэх, татвар төлөгчдийн төлсөн татварыг үр дүнтэй зарцуулах зэрэг асуудлаар Гүйцэтгэх засаглалын үйл ажиллагаанд хяналт тавьж, сөрөг хүчний дуу хоолой, байр суурийг тод илэрхийлж ажилласныг онцолж байна.
УИХ-ын гишүүн Ж.Баярмаа Монгол Улсын 2025 оны төсвийг үр ашигтай төлөвлөн батлуулах асуудлаар хатуу байр суурьтай ажиллахын зэрэгцээ “Монгол Улсын Засгийн газар, Бүгд Найрамдах Хятад Ард Улсын Засгийн газар хооронд Гашуунсухайт-Ганцмод боомтын хил дамнасан төмөр замын бүтээн байгуулалтыг хэрэгжүүлэх хэлэлцээрийг байгуулахад баримтлах үндсэн чиглэл батлах тухай” УИХ-ын 58 дугаар тогтоолын хэрэгжилтийн хүрээнд …нээлттэй сонсгол зохион байгуулах, иргэд, олон нийтийг мэдээллээр хангах, хяналт шалгалтын тайланг Улсын Их Хуралд танилцуулах зорилгоор Улсын Их Хурлын Хянан шалгах түр хороог байгуулах санал гарган ажиллаж, сөрөг хүчний үүргийг хүчтэй илэрхийлэн ажиллаж байгааг үнэлж 2025 ОНЫ ОНЦЛОХ УЛС ТӨРЧӨӨР ТОДРУУЛАВ.
Сэтгэгдэл бичих