2025 оны арваннэгдүгээр сарын 1-нээс 102 аппликэйшнээр замын хөдөлгөөний зөрчлийн мэдээллийг иргэдээс авч, зөрчил гаргагчид хариуцлага тооцож байгаа бол мэдээлэл өгсөн иргэнийг урамшуулах журам мөрдөгдөж эхлээд буй.
102 аппликэйшнээр ирүүлсэн зөрчлийн талаар ЗХУТ-өөс өгсөн мэдээллээр 2010 оноос замын хөдөлгөөний зөрчлийг хүлээж авах E-Police аппликэйшнийг ашиглаж байжээ. Уг аппликэйшнээр энэ оны дөрөвдүгээр сарын 29-нөөс аравдугаар сарын 29-нийг хүртэл зургаан сарын хугацаанд 31,176 зөрчил хүлээж авч, 20,149 жолоочид хариуцлага тооцсон байна.
Харин энэ сарын 1-нээс урамшуулалтай болгосноор 102 аппликэйшнээр арваннэгдүгээр сарын 1-17-ны хооронд замын хөдөлгөөний 103,511 зөрчил ирүүлснээс 44,011 зөрчилд хариуцлага тооцсон байна. Ингэснээр өнөөдрийн байдлаар зөрчил мэдээлсэн иргэн, ААН-д 123,230,800 төгрөгийн урамшууллыг олгохоор байна. Арваннэгдүгээр сарын 19-ний байдлаар 102 аппликэйшнийг 169,000 иргэн гар утсандаа татаж авчээ.
Сэтгэгдэл бичих