Олон улсын хөдөлмөрийн байгууллагаас хэрэгжүүлж буй Залуучуудын хөдөлмөр эрхлэлтийг дэмжих (YEPP) төслийн 2025 оны үр дүнгийн хэлэлцүүлэг 2025.11.19-ний өдөр боллоо.
Төслийг 2025 онд ноос ноолуурын салбарт хэрэгжүүлж байна. Хүнс, хөдөө аж ахуй, хөнгөн үйлдвэрийн яам, БНСУ-ын Хөдөлмөр эрхлэлтийн үйлчилгээний агентлаг (KLES), Монголын ноос, ноолуурын холбоо, Монголын хөнгөн үйлдвэрийн ажилтны үйлдвэрчний эвлэлийн холбоо болон “Ханбогд кашмер” ХХК, “Говийн мяндас” ХХК, “Бльюскай кашмер” ХХК зэрэг ноос ноолуурын салбарын компаниуд хамтран хэрэгжүүлж байгаа юм.
Хэлэлцүүлгийн үеэр Сөүлийн шинжлэх ухаан технологийн их сургуулийн багш, профессор Ёнжин Но нарын “Монгол Улсын ноос, ноолуурын салбар дахь хөдөлмөрийн зах зээл, хөдөлмөр эрхлэлтийн харилцаа: Зарим жишээ, тоо баримтад хийсэн дүн шинжилгээ” судалгааны урьдчилсан үр дүнг танилцууллаа.
Мөн 2025 онд Монголын Ноос ноолуурын холбоо, Монголын Хөнгөн үйлдвэрийн ажилтны үйлдвэрчний эвлэлийн холбоотой хамтран ОУХБ-ын SCORE хөтөлбөрийг салбарын таван аж ахуйн нэгжид нэвтрүүлсэн зэргийг хэлэлцүүллээ.
Сэтгэгдэл бичих