2025 оны 9 дүгээр сарын 18-нд Америкийн Meta компани хиймэл оюун ухаан болон ухаалаг төхөөрөмжийн салбарт шинэ үеийн бүтээгдэхүүнээ танилцууллаа. “Ray-Ban Display” нэртэй энэхүү смарт шил нь жижиг өнгөт дэлгэцтэй, хэрэглэгчийн гарт байрлах мэдрэгч төхөөрөмжөөр удирддаг гэдгээрээ онцлог юм.
-
Дэлгэцтэй шил – Баруун талын шилэнд байрласан жижиг өнгөт дэлгэцээр мэдэгдэл, мэдээлэл харуулна.
-
Neural Band мэдрэгч – Бугуйнд зүүдэг тусгай мэдрэгч төхөөрөмжөөр хэрэглэгчийн гарын жижиг хөдөлгөөнүүдийг уншиж, шилэнд команд болгон дамжуулна.
-
AI интеграци – Шуурхай мессэж унших, орчуулга хийх, навигаци үзүүлэх, видео дуудлага хийх зэрэг ухаалаг функцуудтай.
Meta-гийн мэдээлснээр уг бүтээгдэхүүний үнэ 799 ам.доллар бөгөөд АНУ-д 2025 оны 9 дүгээр сарын 30-нд худалдаанд гарч эхэлнэ. Харин Их Британи, Европ, Канад зэрэг бүс нутагт эхний ээлжид 2026 онд худалдаанд гарахаар төлөвлөгджээ.
Танилцуулгын үеэр зарим функц ажиллагаа доголдсон нь хэвлэлүүдийн анхаарлыг татсан. Шилний үнэ өндөр байгаа нь хэрэглэгчдийн хүртээмжид нөлөөлж болзошгүй гэж шинжээчид үзэж байна.
Сэтгэгдэл бичих