2025 оны есдүгээр сарын 29-нд ОХУ-ын Батлан хамгаалах яам энэ намрын хугацаанд 135 мянган залууг цэргийн албанд татах тушаалыг гаргаснаа албан ёсоор мэдэгдлээ. Москвагийн мэдээлснээр, энэ нь жил бүрийн улирлын татлагын хүрээнд хэрэгжиж буй ээлжит ажиллагаа гэж тодотгож байгаа ч олон улсын шинжээчид Украйны дайны байдалтай холбоотойгоор цэргийн хүчээ бэхжүүлэх зорилготой гэж дүгнэж байна.
Энэ татлага нь 2016 оноос хойших хамгийн өндөр үзүүлэлт болж байгаа бөгөөд Кремль дайны хүн хүчний хомсдолд орсныг илтгэж байна гэж барууны хэвлэлүүд онцолжээ. Харин Оросын эрх баригчид “шинээр татагдах иргэдийг фронтод шууд илгээхгүй, дотоодын цэргийн сургалт, хамгаалалтын чиглэлд ашиглана” гэж мэдэгдсэн байна.
ОХУ-ын энэ шийдвэр нь Молдав, Украйн зэрэг хөрш орнуудад санаа зовнил төрүүлж, Европын холбоо болон НАТО-гийн зүгээс нөхцөл байдлыг анхааралтай ажиглаж буйгаа илэрхийлээд байна.
Эх сурвалж: The Guardian
Сэтгэгдэл бичих