Засгийн газрын ээлжит хуралдаан өнөөдөр болж байна. Хуралдаанд Сангийн сайд Ч.Хүрэлбаатар тусгай сангуудын талаар авах арга хэмжээний талаар танилцуулсан юм. Гаргасан шийдвэрийг танилцуулж байна.
ШУУД ҮЗЭХ:
Сангийн сайд Ч.Хүрэлбаатар “Өнөөдрийн Засгийн газрын хуралдаанаар тусгай сангуудад хийсэн шалгалтын дүн дээр үндэслэн тусгай сангийн талаар авах арга хэмжээний тогтоолыг баталлаа.
Нийтдээ 29 сангаас долоон санг татан буулгах шийдвэр гаргалаа.
Мөн Тариалан эрхлэлтийг дэмжих, Мал хамгаалах, Жижиг, дунд үйлдвэрийг хөгжүүлэх сангуудыг нэгтгэсэн. Мөн Улсын авто замын сан, Боловсролын зээлийн сан, Хөдөлмөр эрхлэлтийг дэмжих сангуудын үйл ажиллагааг сайжруулах ёстой гэж үзсэн.
Нийгмийн даатгалын сан, Нийгмийн халамжийн сан, Ирээдүйн өв сан, Төсвийн тогтворжуулалтын сан зэрэг 15 сангийн үйл ажиллагааг хэвээр үлдээж байгаа” гэлээ.
Сэтгэгдэл бичих