Тээврийн прокурорын газрын хяналтын прокурор асан Х.Тамир, Тагнуулын ерөнхий газарт ажиллаж байсан Б.Амарбаясгалан нар хар тамхины хэргээр шалгагдаж байх хугацаандаа дахин хар тамхи хэрэглэж байгаад баригджээ. Тодруулбал, Х.Тамир, Б.Амарбаясгалан нарын таван иргэн 2015 онд хар тамхи, мансууруулах бодис тээвэрлэж, улмаар худалдан борлуулахыг завдсан болон албан тушаалаа урвуулан ашигласан гэх хэрэгт буруутгагдаж байсан. Шүүхээс 2017 оны нэгдүгээр сард Х.Тамирт 5.1 жил, Б.Амарбаясгаланд 5.2 жилийн хорих ял оноосон ч тэд давж заалдсанаар холбогдох хэрэг нь прокурорын байгууллага руу буцаагдаж, Х.Тамир, Б.Амарбаясгалан нар батлан даалтад, гадуур шалгагдаж байсан юм.
Тэгвэл уг хэргийг шалгаж байх хугацаанд тэд дахин хар тамхины хэрэгт холбогдлоо. Энэ удаад тэд өмгөөлөгчтэйгээ хамт хар тамхи хэрэглэсэн байна. Тэднийг машиндаа мансуурсан байдалтай байхад нь баривчилжээ. Өмгөөлөгчийнх нь хувьд хар тамхины хэрэгт өмгөөлөл үзүүлдэг туршлагатай нэгэн байсныг эх сурвалж мэдээлж байна.
Эх сурвалж: Och.mn
Сэтгэгдэл бичих