ДЭМБ 9-р сарын 2-нд шинэчилсэн дүн мэдээгээр сэтгэл зүйн эмгэгтэй хүмүүсийн тоо 1 тэрбумыг давсан бөгөөд ялангуяа бага орлоготой орнуудад тусламж авах хувь дөнгөж 10%-иас доош түвшинд байгааг анхаарууллаа. Улсуудын 71% нь анхан шатанд сэтгэцийн тусламжийг нэгтгэх шалгуурын дор хаяж 5-ын 3-ыг хангаж эхэлсэн ч мэдээлэл, хамрах байдал, хүний нөөцийн тасалдал ноцтой хэвээр байна.
Бага орлоготой орнуудад эмгэгтэй хүмүүсийн 10 дээш % нь, өндөр орлоготой орнуудад 50 дээш % нь эмчилгээ, үйлчилгээ авч байна.
ДЭМБ/Европын бүсэд 6 хүн тутмын 1 (≈17%) нь сэтгэл зүйн эмгэгтэй; 3-ын 1 нь шаардлагатай тусламж авч чаддаггүй. Бодлогын бүх салбарт “сэтгэцийн эрүүл мэндийг нэвтрүүлэх” уриалгыг 31 улс дэмжив.
Хамгийн сүүлд ДЭМБ 2021 онд судалгаа хийхэд сэтгэцийн эмгэгээр дэлхийд 727,000 хүн амь насаа алджээ. 15–29 насныхны үхлийн топ 3 шалтгаанд сэтгэцийн эмгэг орсон байна.
ДЭМБ-ын мэдэгдлээр сэтгэцийн тусламжийг анхан шатны тусламжийн тогтолцоонд нягт нэгтгэх нь эрт илрүүлэлт, хүртээмж, үр дүнг ахиулах гол зам. Бүс нутгийн бодлогын баримт бичгүүд анхан шатны эмнэлэгт сэтгэл зүйн мэргэшсэн мэргэжилтэнг багтаах, эрүүл мэнд–нийгмийн үйлчилгээ хоорондын уялдааг сайжруулах, хүний эрхэд суурилсан, хүн төвтэй тусламжийг өргөжүүлэхийг зөвлөж байна.
эх сурвалж: World Health Organization — “Over a billion people living with mental health conditions – services require urgent scale-up” (2025.09.02)
Сэтгэгдэл бичих