Ажил хаялт бол ноцтой асуудал. Олон хүүхдийн болон ээж аавууд хохирох асуудал яригдана. Багш нарын үйлдвэрчний эвлэл ажил хаях бол бид хяналт тавина. Бид аль болох ажил хаялгүй асуудлаа шийдэхийг хүсэж байна. Түүнээс эмх замбараагүй байдал үүсгэх зорилго агуулаагүй гэдгийг онцолмоор байна.
Хэнтий амгийн Бор-Өндөр сумын багш:
Бид аль ч нийгмийн үед хоёргүй сэтгэлээр ажилласаар ирсэн. 80-аад оноос хойш багш нарын амьдрал өмнөхөөс улам дордсон. Тэтгэвэрт гарах болоход эрүүл мэндийн хувьд ихээхэн дордсон байдаг. Хөдөөгийн багш нар үзэл бодлоо илэрхийлэх боломж хязгаарлагдмал, дарамт дор байдаг. Бид төрөөс цалинг тодорхой хувиар нэмэгдүүлэх л хүсэлтэй байна. Ур чадварын, үр дүнгийн урамшууллыг бидэнд хэзээ ч 45 хувиар олгож байгаагүй. Хүч хөдөлмөр зориулаад ажиллалаа гэхэд л 15 хувиар олгодог.
Дарга нар хотоос ирэхэд энэ талаар асуухаар танай сургуулийн төсвийг нэмнэ гэж хэлээд л явдаг. Гэвч юу ч шийдэгддэггүй. Багш нар саналаа хэлэхээр “Цалин чинь хангалттай байна шүү дээ. чиний ард олон хүн байгаа” гэх мэтээр дүгнэсээр байна.
Бага ангийн багш нарыг мэргэжлээ дээшлүүл гээд нэг жилийн турш математик, монгол хэлний сургалтад хамруулсан юм. Гэтэл тэтгэврээ тогтоолгоход тэр жилийг ажилласан жилээс хассан байна лээ.
Засгийн газар бидэнд одоог хүртэл бөөрөнхийлсөн хариу өгсөөр ирлээ. Бид нэг жилийн турш тэмцэж байна. Ц.Цогзолмаа сайд хэрээс хэтэрлээ. Сургуулийн орчинд хүхэд эндсэн байтал уучлал гуйсангүй, ажлаа хүлээлгэн өгсөнгүй. Өсвөр насны хүүхдүүд амиа хорлох нь их байна. Сайд биднийг дэмжин, хамтран ажиллахын оронд ажлын байрны дарамт хэрээс хэтэрлээ. Тэр хүн эрхээ маш сайн эдэлж, үүргээ биелүүлэхгүй байна. Бидэнд ажлын байрны баталгаа алга. Бид нэг жил хүлээлээ. Цаашид тэмцлийн хурц хэлбэрт шилжихэд бэлэн.
Сэтгэгдэл бичих