Оросын парламентын доод танхим болох Төрийн Дум 2025 оны холбооны төсвийн хуулийн төслийг хоёр удаа хэлэлцсэний эцэст баталжээ. Жижиг, дунд бизнесийн хорооны гишүүн Алексей Говыринийнмэдэгдсэнээр, 2025 оны төсөвт нэмэлт өөрчлөлт оруулах асуудлыг хэлэлцэхдээ орлого, алдагдлыг тооцдог уламжлалт арга барилыг ашиглаагүй байна.
Тэрбээр “Төсөв нь өр төлбөр барагдуулахаас гадна ирээдүйн суурийг бий болгоход чиглэдэг. Жишээлбэл, ажил, боловсрол, дижитал болон хөрөнгө оруулалтын дэд бүтцийг хослуулсан шинэ төрлийн хотуудад хувь нэмэр оруулах ёстой. Мөн экспорт, дотоодын зах зээлд ажиллах чадвартай технологийн баазыг бүрдүүлэхэд зориулж хөрөнгө хуваарилах болно. Үүнээс урьтаж 2025 оны төсвийн орлого, зарлагыг тооцоолсон” гэсэн байна.
Эхний хэлэлцүүлгийн үеэр Оросын 2025 оны төсвийн орлого 38.5 их наяд рубль буюу 482 тэрбум ам.доллар байна гэж төлөвлөжээ. Энэ нь тус улсын ДНБ-ий 17.4 хувьтай тэнцэнэ. Газрын тос, байгалийн хийн орлогыг 104.1 тэрбум ам.доллар буюу ДНБ-ий 3.7 хувьтай тэнцэхээр зорилт тавьж байна. Харин газрын тос, байгалийн хий бус бүтээгдэхүүний орлого 377.9 тэрбум ам.доллар байхаар төлөвлөж байгаа аж. Төсвийн зарлага нь 529 тэрбум ам.доллар болж магадгүй. Харин төсвийн алдагдал 47.6 тэрбум ам.доллар буюу ДНБ-ий 1.7 хувьтай тэнцэх төлөвтэй байна. Мэргэжилтнүүдийн үзэж буйгаар, төсөвт гэнэтийн өөрчлөлт оруулах болсон нь тус улс санхүүгийн алдагдалд улам их орж буйгаа нууж буй үйлдэл аж.
Сэтгэгдэл бичих