УИХ-ын гишүүн, АН-ын ҮБХ-ы дарга О.Амгаланбаатар цаг үеийн асуудлаар сэтгүүлчдийн асуултад хариулав.
Тодруулбал тэрбээр: Залуучуудын тавьж байгаа шаардлага бол зөв. Ер нь төрд ажиллаж байгаа сумын засаг даргаас эхлээд Ерөнхий сайд хүртэл ил тод байх ёстой.
Орлогынхоо эх үүсвэрийг нотолж чадахгүй бол асуудал байна гэсэн үг. Тийм учраас энэ залуучуудын тавьж байгаа шаардлага бол маш зөв. Харин үүнийг шалгах нь хууль хяналтын байгууллагын асуудал.
АН хамтарсан Засгийн газарт орох шийдвэрийг анх гаргахад УИХ дахь намын бүлэг огт оролцоогүй. Намын бүлэг энэ асуудлаар хуралдаж байхад тэнд гарын үсэг зурсан байсан.
Тийм учраас УИХ дахь АН-ын бүлэг энэ асуудал дээр хариуцлага хүлээхгүй. Тухайн үед энэ талаар АН хэвлэлийн хурал хийж байсан. Тэр утгаараа энэ бол анхнаасаа мордохын хазгай байсан. Би үүнийг үргэлж хэлж ярьж ирсэн.
Лу.Гантөмөр ажлаа сайн хийж байсан бол АН УИХ-ын сонгуульд ялах байсан. Тэгэхээр сайн хийсэн эсэх нь сонгуулийн үр дүнгээр л харагдсан гэлээ.
Ж.Бат
Эх сурвалж: sonin.mn
Сэтгэгдэл бичих