УИХ-ын гишүүн, Ардчилсан намын дарга С.Эрдэнээс өнөөдөр /2019.01.21/ Эрүүгийн цагдаагийн газрын Эдийн засгийн гэмт хэрэгтэй тэмцэх хэлтэс тайлбар авсан байна.
Цагдаагийн алба хаагчид С.Эрдэнийн Төрийн ордон дахь албан өрөөнд нэг цаг гаруй хугацаанд тайлбар, мэдүүлэг аваад гарав. Албан бус эх сурвалжийн мэдээлснээр С.Эрдэнийн охин болох Э.Содгэрэлийг Хөгжлийн банкнаас 18 тэрбум төгрөгийн зээл авсан гэх асуудалтай холбоотойгоор ийн тайлбар авсан байж магадгүй гэнэ.
Гэхдээ АН-ын дарга С.Эрдэнэ охинтой нь холбоотой мэдээллийг үгүйсгэж, “Хөгжлийн банк болон миний охин Э.Содгэрэлтэй холбоотой асуудлаар тайлбар өгөөгүй. Иргэнийхээ хувиар цагдаагийн байгууллагад гомдол гаргасан байсан. Тэр дагуу тайлбар өглөө” хэмээв
Сэтгэгдэл бичих