ОХУ-ын ерөнхийлөгчийн аминд халдах зорилгоор халдлага үйлдэхээр завдаж байсан этгээдийг баривчилжээ. Сербийн хууль сахиулагчид ОХУ-ын төрийн тэргүүний Белградад энэ сарын 17-нд буюу өнөөдөр хийж байгаа айлчлалын өмнө Владимир Путины аминд халдахаар бэлтгэж байсан 21 настай Армин Алибашич гэгчийг илрүүлэн баривчилсан байна.
Энэ талаар Сербийн Informer сонин мэдээлжээ. Эх сурвалжуудын мэдээлж байгаагаар сэжигтэй этгээд Путины эсрэг винтов буу болон тэсрэх бөмбөг ашиглан халдлага үйлдэхээр бэлтгэж байсан болохыг тогтоожээ.
Эх сурвалжийн мэдээлж байгаагаар хууль сахиулагчид энэ сарын 15-нд том үүргэвч үүрсэн нэгэн залууг сэжигтэй санагдсан учраас зогсоон шалгах үед түүний үүргэвчинд оптик хараа бүхий винтов буу байжээ. Түүнчлэн цүнхэнд нь тэсрэх бөмбөг угсрахад шаардагдах тэслэгч, утас, тусгай үүрэн утас, мөн бусад дагалдах хэрэгслүүд байсан гэнэ.
Сэтгэгдэл бичих