Цагдаагийн ерөнхий газрын Хар тамхитай тэмцэх газраас, Гаалийн ерөнхий газартай хамтран шалгалт явуулж олон улсын илгээмжээр их хэмжээний хар тамхи нэвтрүүлэхийг завдсан хэргийг илрүүлжээ.
Тодруулбал, өнгөрөгч долоо хоногт Герман улсаас Монгол Улсын иргэнд хаяглагдсан илгээмж ирсэн ба уг илгээмжийг шалгахад мансууруулах бодис болох нь тогтоогджээ. Уг хэрэгт нэг иргэнийг сэжиглэн шалгаж байгаа ба дээрх этгээд өмнө нь энэ төрлийн илгээмж хүлээн авч байсан байж болзошгүй нөхцөл байдал тогтоогдсон байна.
Иймд, Иргэн танд улсын хилээр хар тамхи, мансууруулах бодис хууль бусаар нэвтрүүлж байж болзошгүй сэжигтэй үйлдлийн талаар мэдээ, мэдээлэл байвал Цагдаагийн ерөнхий газар болон Гаалийн байгууллагад мэдээлж, болзошгүй эрсдлээс хамгаалахыг зөвлөж байна.
Сэтгэгдэл бичих