Олон улсын тэмцээнээс шилдэг дуучны Гран при хүртсэн дуурийн дуучид олон. Харин олон улсад дуучны хоолойн царааг харуулах, нүүр тахлах “том” дуу цөөн. Тиймээс олон улсын дуурийн дуучдын уралдаанд оролцсон дуучид бүгд л “Хүний заяа”, “Аав ээж хоёр минь”, “Монголын тал нутаг” дууг дуулдаг гэхэд хилсдэхгүй. Ганбат агсан, Ардын жүжигчин А.Долгор, Эрдэнэтуяа гээд дуурийн дуучид “Монголын тал нутаг”-ийг дуулсан. Хамгийн сүүлд МУГЖ Г.Ариунбаатар Их Британи, Умард ирландын нэгдсэн вант улсын Уэлсийн нийслэл Кардиф хотноо зохион байгуулагдсан “BBC Cardiff Singer of the World” тэмцээнд тэргүүн байр эзэлж, дэлхийн шилдэг таван дуучны нэгээр тодрохдоо мөн л “Монголын тал нутаг” дууг дуулсан билээ.
Энэ дууны үгийг МУСГЗ Загдын түмэнжаргал агсан үгийг нь зохиосон гэдгийг монголчууд андахгүй. Юутай ч Загдын Түмэнжаргал агсны хүү Т.Дүүрэн “Дуучин Г.Ариунбаатар та З.Тvмэнжаргалын «Монголын тал нутаг» дууг ямар нэг байдлаар дуулах бол З.Тvмэнжаргал сантай гэрээ байгуулж зевшеерел авах ёстойг анхаарна уу.
12 болон 3 сард уулзах санал тавьсан боловч та ирсэнгvй. Сая утсаар ярихад зевшеерел авахаас татгалзаж байгаа гэдгээ илэрхийллээ. Гэрээгээ байгуулаад ном ёсоор нь явбал бусаддаа ч vлгэр дууриал болох юм. Та Монголдоо нэг дууг дор хаяж 3-5 саяар дуулж байгаа.
Шvлгийн зохиогчийн эрхэд оногдох хувийг нь З.Тvмэнжаргал санд телеед явна уу. Оюуны емчийн салбар хуулийн дагуу л хегжиж явах нь таны еерийн болон vр хvvхдийн тань ирээдvйд ч хэрэгтэй” гэж жиргэлээ.
Сэтгэгдэл бичих